Wikiccionari:Benvenguda e benvengut al Wikiccionari

Lo Wikiccionari, o diccionari occitan d'Internet, la version occitana del wiktionary anglosaxon, es un projècte qu'i podètz contribuir totes. Es fondamentat sul principi de la wiki, çò que significa que podètz modificar cada pagina. Vos demandam pas d'èsser d'especialistas de lingüistica, sonque de mostrar d'enveja de participar e de far progressar l'aisina. Existisson tot un fum de causas que podètz far, d'unas mai pichonetas coma crear de categorias e d'autras plan mai complicadas coma crear la dintrada en occitan amb totas las reviradas. Amb lo temps progressaretz e podretz passar d'una tasca a una autra sens cap de problèma. Comptam sus ta participacion que sèm pas gaires nombroses e te balharem un còp de man se cal e amb plaser, vèni!

Lo Wikiccionari, qu'es aquò?

Lo Wikiccionari es la partida occitanofòna del projècte Wiktionary de diccionari liure e universal menat per un ensemble d'internautas e al qual podètz contribuir.

La tòca

Aqueste diccionari occitan a per tòca de descriure en lenga d'òc totes los mots de totas las lengas.

A tanben per objectiu de donar las reviradas d'aquestes mots de l'occitan vèrs totas las autras lengas e dels mots estrangièrs cap a l'occitan. Mai generalament, permet de donar, per totes los mots occitans e estrangièrs (e per las lengas mòrtas), una descripcion en lenga occitana, e mai una traduccion, mas tanben de donar son etimologia, sa prononciacion, sos sinonims, antonims, omofòns, las expressions e locucions associadas, los mots parents e derivats, etc.

Vos convidam per mai de precisions a legir la pagina A prepaus del Wikiccionari.

L'estatut actual

Actualament, diluns 30 decembre 2024, son aperaquí 70 924 los mots occitans e forastièrs descriches en lenga occitana.

Quines son los autres wikiccionaris?

Se pòt citar en particular lo Wiktionary anglés que seguís lo meteis objectiu qu'aqueste Wikiccionari nòstre, mas en anglés. N'existisson ara fòrça autres wikiccionaris ; los podètz trobar a la pagina des autres wikiccionaris o a la pagina multilingue del projècte per accedir a una tièra mai generala.

Quinas son las contribucions que pòdi portar?

Tot aquò depend de vòstre perfil e de vòstre temps. Dins totes los cases, vos cal ensajar de seguir lo guida d'estil, en far servir las divèrsas paginas d'ajuda que generalament son ricas e precisas:

Parlaires d'occitan

• Vos cal venir escriure d'articles sus de mots occitans que son pas encara marcats (veire aquí).
• Vos cal legir los articles, e de pas corregir las errors se per cas ne vesètz.
• Pels articles existents, i podètz apondre d'informacions que fan sofracha (coma l'etimologia, o la prononciation, de precisions amb los sinonims o mai d'imatges.

Autras lengas conegudas

• En cas qu'un mot que seriá pas occitan foguèsse pas encara descrich dins lo Wikiccionari, lo podètz anar pescar amb sa descripcion suls autres wikiccionaris, per exemple.
• A mai i podètz apondre d'exemples d'utilizacion dels mots en lenga estrangièra:

Per ich, un alemand o una persona que ten una coneissença pro corrècta de l'alemand pòt apondre:

• 1. Ieu.

     Ich bin Berliner. — Soi berlinés.

• Vist que s'agís de la part occitanofòna del projècte, es pas mestièr de metre una seccion de traduccions dins los articles que son pas occitans, que la quita definicion a aquesta tòca.

Vos remembram que totas las contribucions al Wikiccionari se devon far en occitan.

Se pòdon trobar d'informacions complementàrias dins la pagina Wikiccionari:Qué far?

I compreni pas res a la sintaxi wiki e a l'utilizacion dels botons

La pagina Cossí editar una pagina e tanben la pagina Basas de la sintaxi del Wikiccionari solide vos podràn ajudar. Per mai d'entresenhas, podètz consultar la pagina d'ajuda del Wikiccionari.

Podètz anar far d'ensages sul Nauc de sabla; pas cap de rason de trantalhar, es estat bastit amb aquesta tòca!

Mèfi!!!

Ja que s'agís d'una wiki, las informacions dels articles pòdon tenir de decas (e d'unes còps que i a per malastre es estat fach intencionalament, veire Wikiccionari:Vandalisme). Aital doncas cal saber prendre amb precaucion las informacions donadas, coma las de la Wikipèdia o de tota autra mena de mejan de comunicacion generalament.

Los Wikidemicians que i contribuisson en general fan de braves esfòrces per fargar d'articles qualitadoses, particularament en far servir de referéncias lingüisticas. La tendéncia actuala es de marcar aquestas referéncias al bas de la pagina. Pr'aquò un còp encara, a mai se pòdon semblar una garantia de qualitats las referéncias, cal servar de longa un agach critic cap a las dintradas del Wikiccionari, subretot se son emplec vòl aténher una tòca seriosa.

Lo Wikiccionari pòt pas en consequéncia servir de referéncia solida, subretot a aqueste estadi pas gaire avançat del projècte. Podrà venir pasmens de segur una aisina plan utila a flor e mesura de son evolucion. E podètz a mai ajudar lo projècte a créisser en qualitat: trantalhetz pas de contribuir, i a un fum de causas diferentas de far.

Enfin, vist qu'es publicat jos las condicions de la licéncia GFDL, lo contengut del Wikiccionari es liurament reutilizable, dins lo respècte de cèrtas condicions simplas (consultar Wikiccionari:Reutilizacion del contengut del Wikiccionari a aqueste prepaus).

L’avenidor del Wikiccionari

A mai de las amelioracions e apòrts constants per çò qu'es de la lingüistica, son previstas qualques evolucions importantas a mai long tèrme.

Una autra evolucion de las mai importantas es lo cambiament cap a una basa de donadas mai adaptada au contengut d’un diccionari, qu'amassariá tanben totes los wikiccionaris de totas las lengas ja existentas. Aqueste projècte sonat OmegaWiki es encora en desvolopament e deuriá prendre de temps abans de veire lo jorn. Un prototip se pòt visualizar a l’adreça http://www.omegawiki.org/.

Vejatz tanben

• La pagina d'acuèlh generala per un accès mai aisit al contengut del Wikiccionari
• La pagina d'acuèlh de la comunautat per contribuir al projècte
• La pagina d'ajuda per una multitud d'informacions utilas
• Las particularitats del Wikiccionari per los que coneisson ja lo principi del Wiki, notament per Wikipèdia
• La dintrada Wikiccionari dins lo Wikiccionari