Categoria:Cardinals en occitan

Aquesta categoria compren los cardinals utilizats en occitan. Los cardinals forman la seguida infinida dels nombres entièrs. Espriman quantitats denombrablas, mesurablas e entièras.

• Plaçats davant un nom son d’adjectius numerals (levat milion , miliard que son pas que de noms comuns).

   Ex Vesi tres aucèls

• Plaçats aprèp lo nom, son coma un adjectiu ordinal. Son emplegats per indicar un reng, un numèro, una plaça. Sovent, dins aqueste cas, lo nom que qualifican es sosentendut (per exemple dins las datas).

   Ex : a logat la cambre nòu

• Pòdon tanben èsser utilizats coma noms comuns

   Ex: Dos es lo doble de un.

Los dos primièrs cardinals an un feminin e un masculin :

• un / una
• dos /doas

La conjoncion de coordinacion e se plaça entre vint e las unitats mas pas amb los autres compausats :

• vint e un
• trenta un

Los numerals cardenals, al sens contra del francés, se botan a la seguida de l’indefinit autre e dels adjectius prumièr e darrièr.

Ex: Los autres tres, dempuèi lo matin desbosigavan la barta (Bodon)